Merangkong nung yipru ajanga teraksa bener arutsü

Dimapur, April 29 (TYO) : April 28 aonung 11:30 ako meta Merangkong yimtsüng nung yipru tulu ka süi aser iba ya ajanga kiojen aser Power supply raksatsü.
Iba osang angashili District Administration-i yimtsüng tonga oa tensa reprangdangogo aser Electrical department dang electric yindong ana aser yinzütem raksa aliba yanglutsü atema tetuyuba agütsü, ta SDO (C) Tuli, Arikumba-i ashi.
Iba lendong nung nisung yiruyibongba mesüra asüba osangbo kecha mali. District Administration-isa Village Council dang takoksa ajuruba kibongtem yaritsü atema ayongzük, ta SDO (C) Tuli-isa ashi.
Yipru tulu ajanga Merangkong yimtsüng nung ki tenet terara raksatsü aser Anganwadi Centre bo kanga mejungi raksatsüogo.