Merangkong-Tamlu-Mon lenmang asadangshiba senden aka

Dimapur, Mongputeni/October 09 (TYO): Merangkong – Tamlu – Mon lenmang re-alignment asüba ken o dak sendakba nung Minister of Road, Transport and Highways, Nitin Gadkari den Ministry nungi ketdangsertem aser NHIDCL senden ka Mongputeni/Oct. 05, 2018 nü New Delhi nung menogo.
Chief Minister’s Office sangdong ka ajanga ashiba agi, taoba mapang agizüka aliba SARDP kübok ali mapa shilem 80 aser tang alignment agir aliba densema, taoba contractor M/s. Gayatri-i tembanga inyakogo. Ajisüaka iba lenmang ya National Highway ta sangdongba sülen National Highway tetuyuba kübok tang agia aliba alignment nung alimang ya teperi masü ta ngutetogo. Anungji alignment tasen ka benokdang saka Wakching kübok aliba yimtsüngtemi iba ya ashishia liasü, kechiyong iba lenmang ajanga parnok yimtsüngtem mekongshitsü.
Yimtsüngtemi parnok taginüba benokba dak ajemdaker Chief Minister-i, Minister of Road, Transport and Highways dang mepeshiba sülen Ministry-i alignment ka atema tatembangbuba asadangtsü asoshi mulunga agizükogo. Iba maparen ya yakta tenzüktsü, ta DIPR sangdong ka ajanga metetdaktsü.

You must be logged in to post a comment Login