Merangkong-Tamlu-Mon lenmang atema metetdaktsür

Dimapur, Mongputeni (October) 22 (TYO): Mokokchung District nung (SARDP-NE) kübok Merangkong-Tamlu-Mon lenmang 2 lane yangluba ajanga takoksa ajururtem nem October 24, 2018 anepdang 10:00 ako nungi temenok agütsütsü ta Mokokchung Deputy Commissioner, Sachin Jaiswal IAS-i metetdaktsü.
Ali kiburtem aser teyari angurtem jangjatsü atema Merangkong Village Council Chairman tsüngdong tonga arutsü metetdaktsür, ta Mokokchung DC-isa ashi.
Ali kiburtem, teyari angurtem ajaki passport size noksa anana, Bank passbook indang mezüng tapak aser Aadhaar mesüra EPIC indang photocopy ka bener arutsü metetdaktsür, ta paisa shisem.
Ali kiburtem aser teyari angurtem dak alaka tangar shinga magizüktsü, ta Mokokchung DC-isa metetdaktsü.