Mercedes-Benz C-Class Cabriolet sangdongogo

Mongputeni/October 30 (Agencies): Germany indang gari yangluba company Mercedes-Benz-i ‘C-Class Cabriolet’ gari sayaogo. Gari jenjang ya sen lakh 65.25 (ex-showroom) asütsü.
M 264 four-cylinder motor amenoka yangluba C-Class Cabriolet gari ajanga 190kW (255bhp) aser 370 Nm torque agütsür. Company-i ashiba agi, secong 6.2 nung iba gari ajanga 100 km/h tashi anitetter aser gari top speed ji 250 km/h asütsü. Iba dak alaka, gari nung Multibeam LED headlamp den pixel-specific beam range aser coverage control function tem keta aliba angutsü.
BSVI petrol engine indang ‘two-door sporty’ Cabriolet gari nung feature tanga rongnung multi-beam headlamp, alloy wheel design tasen, steering wheel tasen aser smartphone integration package densema lir.
Gari interior reprangdangra, 10.25-inch screen media display screen den telematic tasen keta aliba angutsü. Iba den külemi gari nung generation tasenba indang steering wheel aser touch control button inoka yanlutsüba ajanga gari dak sendakba function balala ayonga amshitetter. Maneni gari nung Android Auto aser Apple CarPlay inoka yanglutsüogo.