Merentoshi nem ‘Ideal Youth MLA’ sempet agütsü

Dimapur, January 30 (TYO) : January 28, 2016 nü MLA & Advisor to the Chief Minister, Merentoshi R. Jamir nem Aadarsh Yuva Vidhayak 2015 (Ideal Youth MLA) sempet agütsü.
MAEER MIT Campus, Pune nung Bharatiya Chhatra Sansad (Indian Student Parliament) indang 6 buba annual national conclave nung Merentoshi nem iba sempet agüja liasü.
Sentong nung Chhatisgarh State Legislative Assembly Speaker, Gaureshankar Agrawal, taoba DG, Bureau of Police Research & Development, Dr. Kiran Bedi, IPS (Retd) aser taoba Union Minister P. Chidambaram nungeri Merentoshi nem kulikaket, sü tabentsü ka aser takok marok ka agütsü.
Bharatiya Chhatra Sansad Foundation ajanga state balala nungi lanur MLA 16 nem Ideal Youth MLA sempet agütsür.
India nung yimten telok balala nungi lanur MLA nem iba sempet agütsür aser iba ya lanurtemi yimten mapa nung shilem agiba ajanga lokti nung temelenshi bener aruba ajiteta agütsür.
Bharatiya Chhatra Sansad ya 2011 nungi agütsü tenzük.