Merkel-i India tanü semdangtsü

Berlin, October 03 (Agencies): Germany Chancellor, Angela Merkel-i lar tongti ministertem ishika anir India den 3 buba cabinet jenjang nung senden amentsü asoshi asüng, Deobar nü India bushia aotsü sentong renema lir.

Taruba Hombar nü nungi tenzüka New Delhi nung amentsü ayongba 3 buba India-Germany inter-governmental consultations sendenji Merkel aser India Ato Kilonser, Narenda Modi nati aroki anitsü sentong aliba osanga angazükogo.

Merkel-i lar Vice Chancellor & Economy Minister, Sigmar Gabriel; Foreign Minister, Frank-Walter Steinmeier; Food & Agriculture Minister, Christian Schmidt; Education & Research Minister, Johanna Wanka aser Development Cooperation Minister, Gerd Mueller anir India semdangtsü sentong renemba osang ka lar ketdangsertemi jangshitsüogo.

India tonga aoba sülen Merkel aser lar yimsüsürtemi India den shishilembatsü aser tensa azüoktsü onüktem tongtipangsüa benoktsü sentong renema lir ta parnoki ashi.

Tan senden amenba ajanga Germany aser India nati par linük ana tsüngda rongsenren, vocational training, science & technology aser enivornment kümzüka ayutsü maparen amalitepa inyaktsü densema tongti tezüngzüktep ishika zülutepa agitsü alizüng yua lir.