Merla sü angati dang alemtsüla : H&FW

Dimapur, February 23 (TYO) : Long Lasting Insecticidal Nets (LLIN) alemdang ward aser yimtsüng ketdangsertem/council kari nüburtem dang nungi sen agir ta department dangi osang aruogo. Anungji ketdangsertem/council temi LLIN angati dang alemtsü mepishia metetdaktsür, ta Directorate of Health & Family Welfare, Nagaland, Kohima nung Jt. Director (NVBDCP), Dr. Kevichusa Medikhru-i sangdong ka nung metetdaktsü.
Iba den külemi tesem koba nungsa ketdangsertem/council temi nüburtem dang sen meshia lir, meyipa agütsütsü metetdaktsür, ta paisa sangdong nung shia lir.
India sorkari ramen tashidak bulua aliba tesemtem nung (LLINs) ya angati alemtsü asoshi agütsü, ta National Vector Borne Disease Control Programme (NVBDCP), Directorate of Health & Family Welfare-isa shisem.