Merlai meteper anaknüba anendaktsütsü inyakyim kar

Tang mapang ya merla aser temetepba shiruru aika poktetba mapang ka lir. Item shiruru yagi metepli yongi teküp merema kümdaktsür aser wakteta atua anaknüdaktsür. Item shiruru tilatem rongnung merla ya-a ka lir aser asenoki merla dang nungi kangabo mejenbutetter. Merla kari metepbabo anogo ana asem tashi anaknür.
Merlai meteper anaknüba kara kara anendaktsütsü atema kidang teinyaktsü kar :-
1.    Süngo asepba bag (Tea bag) ka fridge nung kanga junga mokonger aliba ka merlai metepba tesem nung minute ishika nenloka ayuba ajanga anaknüba anendaktsür aser süngojok jagi teküp awakba aremdaktsür.
2.    Oats meter aliba tzü den meyokteper merlai meteper aliba nung maloka yur kongdaktsüba ajanga anaknüba anendaktsür.
3.    Ninang mojitzü dak bacteria den raraba chemical keta lir anungji merlai metepba tesem nung ninang mojitzü jang ka jenloker ayuba agi teküp mewakdaktsür.
4.    Aloe vera dak waklema atuba aremdaktsütsü chemical lir. Anungji Aloe vera ka rangzüker meteper aliba tesem nung nülokba agi anaknüba aser waka atuba naprong anendaktsütsü.
5.    Rü lung (Ice cube) ya kanga temekong anungji merlai meteper anaknüa aliba teküp nung ibai nenloka ayuba ajanga anisüngzük angutsü.
(Source – Internet)