Mersü tajem achiba tajangzük

Mersü tajem ya nübur ajaki chiyungtsü aika nung kanga bulua amshiba süngolemba rongnung ka lir. Iba chiyungtsü ya chiyungtsü balala nung enoker renemba ajanga chiyungtsüji tachitsü junga kümdaktsür. Ashiba agi aon nung mersü taru sener aliba enokba dang nungibo mersü tajem enoka asoba ajanga teyari tuluba agütsür.
Mersü tajem agi temang nung teyari agütsüba kar yamai:-
1.     Mersü tajem nung ‘dietary fiber’ kanga talubusa lir aser ibaji ajanga temang telung nung chiyungtsü menüngsaba nung yarir.
2.     Iba chiyungtsü ya tenük aser teküp asoshi kanga junger kechiba süra mersü tajem nung Vitamin A kanga aika keta lir.
3.     Mersü tajem nung ‘anti-oxidants’ keta aliba ajanga temang nung menüngdakba ‘radicals’ rongtoktsür.
4.     Mersü nung Vitamin C peria aliba ajanga tanga vitamin tem kanga junga agizükteter.
5.     Mersü tajem achiba ajanga asen temang nung mesen matemer kechiyong iba chiyungtsü dak mesen nokdangba tashi keta lir.
– Source : Internet