Merüka ayuba – T. Ken 119: 9 – 16.

Iba memerükba lima nung nai ne taküm koda merüka ayutsü ? Ken züluri tekong 9 nung iba tasüngdangba asüngdanger: ” Asangur nisungi pei lenmang koda merüka yutettsü? Ne o ama aji mita aliba agi.” Atangji iba O ya asangurtem atema dang masü. Kasaji aiür, tanur aser tain ajak asoshi lir. Asenok memerükba lima nung alir. Merüka linera Tsüngrem den jajatsüla. Asenok tanela merüka alitsü asoshi ken züluri tütuyuba kar agütsür.
Mezüngbuba, O ji mita liang.Asenoki O ji metettsü asoshi mezüngbuba ibai azüngtsüla aser bushitsüla.Aser asenoki aji metetra, asenoki iba nung tashi angatsüla.
Tanabuba, O ji rizünga yuang.” Ni na anema temenen memenatsü, Ne O kü mulung nung rizünga lir” ( t. 11).G. Campbell Morgani iba tekong yamaji meyiper, ” Iba yagi tajungtiba kaket indang ashir- ‘ Ne O’- tajungtiba meta – ‘ kü mulung’- tajungtiba nükjitong -‘ ‘ Ni temenen memenatsü’-Tsüngrem anema. Nai Tsüngrem O nung tashi angar asü? Nai Tsüngrem O ji ne mulung nung ayur asü?
Tasembuba, tangar den lemsatepa ajanga Tsüngrem O ji kü bang agi sangdongtsü ( t. 13). Ne mulungjang nung Laishiba lira ibaji ne tebangmechi ajanga adoktsüla kechiaser temulungjang nung sünga aliba tebang agi jembir ( t. 13).
Tatemsa, O ji akhüm tsübutsüla. ” Ni ne ozüng nung shisadanger aser ne lemangtem nung akhüm tsübu lir” (t. 15). Pai kü nem kechi inyakdaktsüner ni akhüm tsübutsü. Kü Bui kü nem kechi inyakdaktsüner ni Pa dang tashi angatsü.
Tsüngrem O nung merüktetdaktsüba tashi lir. Saka iba yagi ne taküm nung mapa meinyakdang tama nai O ji agizüktsüla. Tsüngrem O nung tashi angang aser iba temenen lima nung Pai na merüka yutsütsü.