Meshiteta aliba nisungtem Kibubai amshir

Anungji na joko alar masü, saka techir; aser techir süra, idangji na Tsüngrem ajanga senmanger (Gal. 4:7).
Yamaji nenoka nenok sasa temenen nungi pilaa asü ta aser Yisu Khrista nung Tsüngrem alema nenok taküm lir ta züngshiang. Anungji nenoki temang jabujari nung tashi angatsüsa nenok tasütsüba temang nung temeneni yimsü tesüdaktsü, mesüra nenok tenük-telen memeshiba nok-o-nü ama temenen nem tagütsü. Saka nenok sasa tasü nungi shia aruba taküm ama, aser nenok tenük-telen temeshiba nok-o-nü ama Tsüngrem nem, agüjang (Rom 6:11-13). Nenok tashi angaba chirtem asünung, nenok akidang memetetba mapang nung jabujariba mesüka inyak. Saka nenok dang ajasang komama temeshi lir, nenoka jaklaliro ajak nung yamaji temeshi süang (1 Peter 1:14,15). Anungji kari pei sasa item nungi merüka yura, pa tetushitsü oset temeshitet, Kibubai amshitsü tetemsü aser mapa tajung ajak asoshi terenem lir (2 Tim. 2:21).
Anungji kü meimba adianutem, akang akanga, marakzüi, Kibuba mapa nung teti maitsüi nentakang, kechiaser Kibuba nung nenok mapa amajok masü (1 Kor. 15:58).
O Kibuba, ni Ne jak mangu tashi iba temenen lima nung ni meshitetta yujang. Amen.