Messi-i 50 buba International goal agütsüogo

Cordoba, March 30 (Agencies): Argentina nunger football asayar mongin, Lionel Messi-i 50 buba International goal yashi, Mongolbar nü agütsüogo.
Par Argentina teloki goal 2-0 agi Bolivia madak takok ngua asayaba 2018 World Cup qualification asaya nung Messi-i goal 1 agüja iba alizüngji atong.
Defender, Gabriel Mercado-i asaya tenzüker minute 20 buba nung goal 1 agüja par Argentina telok temaba jenjang nung ajungkettsüba sülen Messi-i minute 30 buba nung penalty ball takok ngua metsüa par telok asoshi tanabuba aser takokba goal agüja liasü.
Yashi takok angubaji densema, Argentina World Cup qualifying asaya tasembuba atonga akoker telok akümba den külemi, par teloki asaya 6 nung ajak agi points 11 ajangzükogo.
Arishi küm 28 tain Messi-i külem sensopur, Gabriel Batistuta-i 1991-2002 tsüngda goal 56 agüja yangluba International goal timba agütsüba otsü meneptsü alizüng yua lir.