Messi-i mezüngsüa 2018 qualifier nung shilem agitsü

Buenos Aires, March 08 (Agencies): Argentina nunger football asayar mongin, Lionel Messi-i tan mezüngsüa, par Argentina telok tenüng nung 2018 World up qualifier asaya nung tan March ita tatemlen shilem agitsü renemogo.
Barcelona telok tenüng nung asayasang, Messi tenünga asayar 29 densemba Argentina telok asayar tenüng tarensen nung tanü, Mongolbar nü densemdaktsüba osang angazükogo.
Temokok yiruba yong Argentina captain, Messi-i Russia nung ayonga asayaba World Cup qualifier asaya 1 buba round nung par Argentina telok tenüng nung shilem magiteti süidaktsü.
Taküm 2016 küm tenzüker tanü tashi nung Messi-i ajak agi goal 21 tashi agütsüba osang bushiteta lir.
Yaküm October ita asayaba linük 10 densemba South American group qualifier asaya nung Argentina teloki goal 0-2 agi Ecuador nem takok ngudakja asayaba sülen Paraguay telok den goal 0-0 agi draw nung tembanga shilem agia lir.
Ano, November ita asaya nung par teloki Brazil den goal 1-1 draw aser Colombia madak goal 1-0 agi takok ngua ajak agi points 5 ajangzüka tang 5 buba jenjang nung lir.
Messi-i aniba Argentina teloki Chile den tan March ita 24 nü asayatsü aser Bolivia den March ita 29 nü asayatsü lemzüka lir.
2017 küm tashi nung temaba jenjang 4 anguba teloktemi Russia nung ayongba 2018 World Cup nung shilem agitsü temeten angutsü.