Messi-i Rio Olympics nung shilem magitsü: Martino

Beunos Aires, February 02 (Agencies): Brazil kübok Rio de Janerio yimti nung taküm August ita agitsü ayongba Olympic Games nung Argentina captain, Lionel Messi-i shilem magitettsüa akümba osang ka Argentina coach, Gerardo Martino-i yashi, Hombar nü metetdaktsüogo.
“Messi-i United States nung taküm June ita 2 nü nungi tenzüka asayatsü ayongba Centennial Copa America football asayamong nung shilem agitsü saka Brazil nung asayatsü ayongba Olympics nungbo shilem magitsü,” ta Martino-i ashi.
“Messi-i taküm September ita asayatsü ayongba World Cup qualifier asaya nunga shilem agitsü renemba den külemi, par Barcelona telok tenüng nung asayamong aika nung shilem agitsü renema lir. Anungji, pa anisüngzükdaktsütsü nükjidong nung Messi Olympics nungbo shilem magidaktsütsü lemtetogo,” ta pai osang jangjashitsü.
Arishi küm 28 tain Messi-i tongti shilem agiba ajanga par Argentina teloki 2008 Bejing Olympics nung football asaya indang gold medal agizüka liasü.