Messi-i taruba hopta 8 shi masayatettsü: Barcelona

Madrid, September 26 (Agencies): Tanü Honibar nü Las Palmas telok madak goal 2-1 agi takok ngua asayaba La Liga asaya nung shilem agidang tetsüng tezü shidangba yong Lionel Messi-i taruba hopta 8 shi football masayatettsü akümba osang ka par Barcelona teloki metetdaktsüogo.
“Doctortemi Messi tendangba sülen pa tetsüng telung nung tezü ka shidangba bushitetogo. Aji oda, Messi-i taruba hopta 8 shi football masayatettsü,” ta par teloki ashi.
Tan tetsüng yiruba yong arishi küm 28 tain Messi-i par Argentina telok tenüng nung 2018 World Cup qualifier asaya 4 tashi nung shilem magitettsüsa akümer lir.