Messi o Neymar nati Club World Cup final nung shilem magitettsü akok

Yokohama, December 19 (Agencies): FC Barcelona forward asayar, Lionel Messi aser Neymar nati par telok tenüng nung Club World Cup final asaya nung asüng, Deobar nü shilem magitettsü akok ta Barcelona coach, Luis Enrique-i tanü Honibar nü metetdaktsüogo.
Argentina nunger Messi-i tezüngjang timtem aser Brazil nunger Neymar tetsüng atsüpetba yong tenati Guangzhou Evergrande telok madak takok ngua asayaba semifinal nung shilem magiteti süidaktsü.
“Messi o Neymar na temang mejungi aliba yong tenati asayar terenemshiba sentong nung shilem magiteti aruogo. Ajisüaka, asüng final asaya nung tena dendaktsüner,” ta Barcelona captain, Andres Iniesta-ia metetdaktsü.
European champions, Barcelona-i South American champions, River Plate telok den asüng final nung ajuruteptsü.