Metetnüsang o Metetjemba na shisa lemsa

Metetnüsang: Hai ajemba ya koda asüaka na?
Metejemba : Kechia atema asüngdarbaka.
M.asang : Yaa tsüngsang mopung agi Nagaland ajaklen yamai timtemteper, aser parnoka oda Delhi tashi tanü chanu tayudak maka ama yamai senzüteper, saka oda teka tazüng dang meyipa aruba dang angashiraja koda asüar na?
Metetjemba : Ya naibo osang kaket nung August adok to mangua na?
M.asang : Ohoo ni züngdangogo KIREN RIJIJU-i akokba tashi yaritsü ta sür sen mebeni aruba tu.
M.ajemba : Haito Rijiju-i hopta ka tsüngda nung internal ministerial team ka Nagaland-i yoktsü, aser parnoki ashiba asadanger senotsü agütsütsü ta ashiba to koda.
M.Asang : Süra pa arudangyong jagi teyariji bener arutsüba asüato. Oda asen nübur osang nungbo temulung malemer asü koda aji.
M.ajemba : Masü yamaji masü. Saka parnokji asenok ama masü. Saka kechi shidak yamaji dang inyaktsü bill talila menüngdak.
M.asang : Süra aji asenok jagi bill tali yanglur meshi tsübur ati aji.
M.ajemba : Na centre jagi koma yarinür yariang, parnokibo tayimtsü nungji asenok masodang nungi senzürji kecha tetsübu aser tatenden maliji, kechi agütsü yamaji atongtsü. Saka asenokbo nisung tasenji sen paikaji bener tayimtsü nung amendangji tetsübu, tatenden senlen ajakji ajasa-a aotsü, aser lemang nung tokshitsü, aser timtemer ajakbo meperitsü ta meima bilemba agi parnoki dang Nagaland tonga bener arutsünürpa-aja, temeim agi kechiba magütsüra kecha terata. Asenok yimya amato nisung asüdang jashir amai sayur, sak AK tepseta bener arudangbo tasürtoa amadokba otsü lirkotieee

Lilir : N.Saku Imsong, 4th Mile Diphupar, Dimapur.