Metsüremi 17 nü Chief Secretary den tepila sentong agitsü

Kohima, Metsüremi (March) 16 (TYO): Nagaland Chief Secretary, Pankaj Kumar, IAS den tepila sentong Metsüremi (March) 17, 2018 nikongdang 2:00 ako nungi Secretariat Plaza, Nagaland Civil Secretariat, Kohima nung agitsü, ta tanü ketdangsertem sangdong ka ajanga metetdaktsü.
Tepila sentong nung Principal Secretary & Commissioner, Sentiyanger, IAS-i lokti pelaa agizükba o jembitsü aser pa leniba nung sentong agitsü.
Kasa sentong nung Additional Chief Secretary & Finance Commissioner, Temjen Toy, IAS-i sorkar tenüng nung o jembitsü.
Sentong nungsa IAS Association, IPS Association, IFS Association, NCS Association, NPS Association, NSS Association, Director SIRD, Directorate tenüng nung Asenla Jamir, District Administration tenüng nung DC, Tuensang, Jamithung aser Grade-IV Association-i tepila o jembitsü.
Metsüremi 14, 2018 nü Home Commissioner, Abhishek Singh-i sangdong ka ajanga Administrative Heads of Department (AHoDs) aser Heads of the Department (HoDs) ajak dang iba sentong nung medema adentsü metetdaktsüogo.
Kasa sangdong ajanga shilem aginüa aliba Department temi contact nos. 8731009677/8258896057 ajanga tongteprateptsü metetdaktsüogo.