Mexico-i samar aliba kaketshir bushitsü asoshi drone yoktsü

Mexico City, October 30 (Agencies): Mexico nung yaküm tesayur training agiba institute ka nungi parnok nisung 43 samaba bushitsü asoshi drone yoktsü atema Mexico Public Prosecutor Office ajanga inyaktepdar, ta Hokolbar nü media ajanga ashi.

“Parnok samar alir kinünger katibo technology amshia bushisüngdangtsü shiogo aser bushisüngdang tsütsü international mongintemia drone amshia bushitsü tetuyuba agütsüogo,” ta Human Rights nung Deputy Attorney General, Eber Omar Betanzos Torres-i Brihostibar nü ashi.

Pai, “Iba technology ya amshitsü renema lir,” ta ashi, ajisüaka drone temji peria lir maliar iba osang tejangjang memetetdaktsü.

Bushisüngdangtsü asoshi Inter-American Commission of Human Rights-i shima yutsüba international mongintem Carlos Beristain aser Omar Gomez na den ajurutepa iba tebilemtsü asoshi jembishinüba Torres-i shiogo.

Parnok ajurutepba mapang ita trok tsüngda nung iba bushisüngdang mapa takok angutsü asoshi lemtet, ta pai ashi, aji oda süaka it trok sülen iba bushisüngdang anentsü ta tebilem, ta paisa shisem.

Guerrero, Mexico nung September 26, 2014 nü Iguala municipality nungi samaba nisung 43 bushitsü asoshi mongintem shimba osang ya human rights commission ajanga metetdakja liasü.