Mexico nung putir ka dak kotari agi atsüng

Mexico City, May 16 (Agencies): Hombar nikongdang lendong adalokba sülen Father Miguel Angel Machorro temang nung temelenshi kangabo mali saka tajungba lir, ta sorkar osang ka ajanga ashi.
Machorro dak kotari agi atsüngsang ya jena aotsü merangdang apo aser pa ya North America nunger artist ka lir, ta ozüng amshirtem dang pai ashi.
Iba nisungba ya ano mejangjateter.
Machorro süoshi azü agi sünger ali nung laoa doktsür iba nisungba ya ajen. Machorro tekong nung kotari agi atsüng aser iba lendong adalokba tenük kuli alirtemi ashiba ajanga, putir tekong rangdangtsütsü merang, ta osang ka ajanga ashi.
Iba archdiocese indang lawyer, Armando Martinez-i osangbener den jembidang nüburtemi Father Machorro atema sarasademtsütsü ashi.
“Kiralongrar indang asenoki mejembitettsü aser shisatsü tamajung indanga mejembitettsü, kechiyong asenok ket nung kuli tejangja mali,” ta Armando-i ashi.
El Zocalo plaza nung aliba Mexico indang Metropolitan Cathedral ya America nung cathedral tulutiba lir.