Meyilong arogotsürtemi pelaba metetdaktsür

Dimapur, July 16 (TYO) : Meyilong Baptist Arogo nung tetsürtem atema shisatokden sentong ka July 10 nungi 12, 2015 tashi ABAM nung Mungdangtsürtemi nüngdak ajak tenla agüja katsüba atema parnok dang kanga pelar ta Meyilong Baptist arogo nung Associate pastor (Women), Wt. Bendangsen Lemturi metetdaktsüogo.
Iba sentong nung tongti o jembir, ABAM nung Women department secretary, Wt.Alemla Mozüri ‘ Tsüngrem nükjidong nung tetsür,” onük nung jembidang, ” Tsüngremi tetsür taküm ya teyarir, ajak nung tetemsü aser Tsüngrem mesükba nung kuliser asütsü yanglu,” ta tangatetba agüja liasü.