“Mezüng Naga Mission Apulartem Taküm Otsü” kaket sayaogo

Dimapur March 03 (TYO): Rev. Dr. N. Toshi-i züluba “Mezüng Naga Mission Apulartem Taküm Otsü” March 3, 2019 nü Ao Baptist Church Diphupar (ABCD) Tekülem Sentep nung sannüker N. Lipok Jamir Pastor ajanga sayatsüogo.
Iba kaket ya asen limai Yisu Osangtajung aruba tarensen bushiba nung khamdong ama lir. Tanü putu asoshi dang masü saka tarutsü putu ajak asoshi nüngdakba kaket ka. Iba kaket nung mezüng Naga mission nung apulartem Supongmeren, Gohula aser tebutsü, Dr. E. W. Clark aser tebutsü, parnok taküm otsü den koda kotak aser lepteptsüngtep jenjang nung aliba nübur tsüngda apu latsü iba otsü temenungratsüka zülua lir. Tezülur dang kanga peladi, ajaki lenir asoshi sarasademtsüdi. Iba kaket CLC, Dimapur, ISSA Chumukedima nung angutsü, iba den March 5-7, 2019 Ao Baptist Pastors’ Fellowship ABCD nung amongba mapang talitsü angutsü. Sen jenjang Rs. 150/-