Mezüng T20I nung England-i India akok

Kanpur, January 26 (Agencies): T20 international India aser England tsüngda Kanpur nung asaya nung Englang-i wicket 7 agi kokogo. Parnoki ball 11 anunga lia iba asaya akok.
Asaya tetenzük nung Eoin Morgan-i toss akok aser bowling asütsü asoshi shim. Parnoki over 20 nung wicket 7 tugudaktsür run 147 dang yangludaktsü.
India nungi opening batsman Rahul-i ball 9 nung run 8 dang yanglur Chris Jordan-i out sütsü. Pa limited overs nung maneni kanga mejungi asayaba tanü asaya ajanga jangjatsür.
India captain Virat Kohli asaya kanga junga tenzük, saka run aika meyangluteti Moeen Ali indang mezüngbuba over nung Eoin Morganat-i mid-wicket nung ball kanga junga pua out süadok.
Iba sülen Yuvraj Singh run 12 yanglur Liam Plunkett-i tugudaktsü. Suresh Raina India team nung tanaben meyipa arur asayaba nung pai run 34 yanglu. MS Dhoni asaya tatem tashi asaya saka pai ball 27 nung run 36 tang azük. Mezüng shilem asaya tatem nung India nunger-i over 20 nung wicket 7 tugur run 147 yanglu.
Asaya tanabuba shilem nung Englang nunger opener, Sam Billings aser Jason Roy-i over 3 nung run 36 yanglua asaya kanga junga tenzük, iba nung Jasprit Bumrah mezüng over nung run 20 azükba densema lir.
India captain Virat Kohli-i leg-spinner Yuzvendra Chahal nem ball aontsü agütsüba sülen over ka nung pai Billings ( ball 10 nungi run 22) aser Roy ( ball 11 nung run 19) na out sütsü.
Iba sülen captain Eoin Morgan (51) aser Joe Root (46*) na senteper run 83 yanglu. Morgan asaya tatem tashi masayateti out süadok saka Root-i tatem tashi asayaa par telok takoki ani.
Tanabuba asaya Nagpur nung January 29 nü asayatsü.