Mezüngbuba ‘complete digital state’ ji Kerala kümogo

Thiruvananthapuram, August 15 (Agencies): Tanü 69 buba Independence day anogomung amungdang Kerala state ya ‘complete digital state’ ka kümogo ta sangdongba den külemi taoba linük Tir, A P J Abdul Kalam nüngtem nung lanur asoshi sentong tasen ka sangdongogo.
State nung e-governance mapatong aika nung kanga renlokba nung ajemdaker Chief minister Oommen Chandy-i Kerala ya ‘complete digital state’ ka lir, ta sangdongogo.
“State-i mobile density 100 shilem ajangzükogo, e-literacy shilem 75, digital banking rate tematiba jenjang nung lir aser panchayat level tashi nung broadband connection lir,” ta state yimtiba nung aliba Central Stadium nung Independence day onük jembidang CM-i ashi.
“District ajak nung e-district programmes benokba den Aadhaar aser bank accounts ajanga Digital Kerala asoshi foundation junga yangertet. Item temaitsütem nung ajemdaker iba state ya complete digital state ka ta ni nüma tanga sangdonger,” ta Oommen Chandy-i ashi.
Sorkari local self government institutions ajak nung wi-fi hotspots amenokner aser Digital Kerala nükjidongtem tajungtiba nung tongtettsü atema ‘complete mobile governance’ tenzüktsü,” ta pai ashi.
Lanurtemi shishilembabaren nung jenjang tajung alangzüktsü atema state sorkari Dr Kalam nüngtem nung innovative programme ka tenzüktsü, ta paisa ashi.
“Asür A P J Abdul Kalam nüngtem nung Kerala State Council for Science Technology & Environment-i Dr A P J Abdul Kalam Youth Challenge nüngja nung lanurtem atema programme tasen ka tenzüktsü,” ta pai ashi.
Ali nungi adokba rongsentem azüoktsü aser ibaji wazüka ayutsü indang nüburtem nem rajemdaktsütsü asoshi sorkari inclusive development council ka tentettsü, ta chief minister Oomen-isa ashi.
State nung teinyaktsü sentong balala indang metetdaktsüdang Chief Minister-i, ki malirtem atema ki lakh ka yanglutsütsü, ta ashi.
“Kochi Metro, Kannur Airport aser Vizhinjam densema sen crore 16,000 jenjang intoka terenlok mapa balala inyakdagi aser Thiruvananthapuram o Kochi na nung sorkari light metro projects tenzüktsü,” ta pai ashi.
Iba anogomung nung Chandy-i linük wako salaja liasü aser state police, Fire & Rescue Service, NCC cadets, Scouts & Guides aser student Police cadets nungi salem agizüka liasü.
Paisa, President’s police medals aser tanga meritorious service atema medals, CM’s Police medals, Fire & Rescue medals, Prison medals, Forest medals, Excise medals aser Transport medals lemtsüogo.