Mezüngbuba India, US, Japan Ministerial-Level senden alitsü

New York, September 29 (Agencies) : India, US aser Japan nungi foreign minister-level senden mezüngbuba Bodbarnü New York nung alitsü.

UN General Assembly Session agiba mapang India External Affairs Minister Sushma Swaraj, US Secretary of State John Kerry aser Japanese Foreign Minister Fumio Kishida nungertem ajurutepa senden alitsü.

Taoba hopta India US Strategic & Commercial Dialogue alidang linük asem tsüngda mezüngbuba ministerial-level meeting alitsü telemtetba agi.

Prime Minister Narendra Modi-i US tir Barack Obama den ajurutepba sülen anogo ka lir Kerry-Swaraj-Kishida nunger senden alitsü osang metetdaktsü.

“Asia Pacific aser Indian Ocean region atema külemi inyaktsüba aser talisa regional partners Japan amala külemi inyaktsübaji ni pela agizüker” ta PM Modi aser US Tir Obama nati osangbener den jembidang Modi-i ashi.