Mezüngbuba Kohima district inter-school football tournament asayatsü

Kohima, June 22 (TYO): Royal Club Kohima aser School education department külemi lungjemer Kohima Local Ground nung June 26 nungi July 15 tashi mezüngbuba Kohima district inter-school football tournament 2017 asayatsü.
Iba tournament nung kaket reju 24 nungi shilem agitsü, aser asaya ya ‘knock out’ yimya nung asayatsü, ta iba asayamong osang metetdaktsüdang, Royal Club tir, Er. Kevizatuo Miachieo-i osangbener dang ashi.
Iba asayamong nung champion nem sempet sen 70,000, runners up nem sen 50,000 agütsütsü aser semi final nung tamakok alur shia nem sen 20,000 agütsütsü.
Iba asayamong nung shilem agir telok ajunga nem match allowance sen 1000 agütsütsü, ta sangdong ajanga ashi.
Iba asayamong North Field, Vinyiizo School, Mt. Sinai HSS, Bethel HSS, St. Peter School, Charity School, Naga Bazar Baptist, BMS Jotsoma, St. Mary’s HSS, Vineyard, Azedon, G. Rio School, Mezhur HSS, Model HSS, MHBHSS, TMGHSS, Khedi Baptist HSS, Stella HSS, Chandmari HSS, Mt. Hermon HSS, BHS Tseminyu, Riiziikhrie HSS, Baptist High aser Dainty Buds kaket reju tem nungi shilem agitsü.
State nung football asaya ajungkettsü asoshi Royal Club Kohima ajanga 1988 küm nungi tenzüka sentong balala ayonga arudagi.
Iba asayamong dak sendakba maparen aser temzüng ozüng amala yimya balala tesayuba agütsütsü asoshi 2017, June 25, nikongdang 4:00 ako nungi tenzüka sentong ka agitsü. Anungji asayamong nung shilem agitsüpur telok nungi manager aser coach arua adentsü asoshi kasa sangdong ajanga metetdaktsü.