Mezüngbuba ‘kü adianu’

“Tama oang, aser ne adianu den jungtepang    ” (Mat. 5: 24).

Asenoki mezüng mapa mezüng südaktsütsüla. Kodang asenoki Kibuba dangi tenla bener arudir Pai teka repranger aser tenla agizüker. Tagütsür tekaji menena lira iba tekai agütsüba tenIaji Pai magizüker. “Shidokang aser ne sasa merüka liang.” Tama oang aser ne adianu den jungtepang; idangji arung aser ne tenIa agüjang.”

Amitsür tenla tila liasu saka la tenla putu ajak nung osang tajung sayudak ajak nung jembir, kechiaser lai la tajungtiba agütsü. La teka temerük aser tesadem liasu. Iba teka nung Kibuba dak atsüngba nü tarak keta liasu. TenIa tilaji Kibuba kangki den mezüteper liasü.

Ano iba yagi kechi agi lokti tekülemji Kibuba matsüngdang tesempatsü kümdaktsür iba indang sayur. Tekülemertem tsüngda tesendaktep raksaa yur asenoki Tsüngrem külemtsü asoshi külemi senteper. Ano teka mindangba pur kar arur. Auyatsü mulungsentsü adener kar arur. Kari adianu kar yirutsür arur. Ajaki sempet tenIa bener arur. Tsüngrem Oi ashir, tamasa ne adianutem den aser ne sasa den jungtepang aser arung aser ne tenla agüjang.