Mezüngbuba ‘shoulder joint replacement surgery’ agiogo

Kohima, September 21 (TYO) : Nagaland nung aliba sorkar mozükidang mezüngbuba ‘shoulder joint replacement surgery’ ji Naga Hospital Authority Kohima (NHAK) nung takok ngua agiogo.
September 21, 2016 nü orthopaedics surgeon telok kati iba surgery ji agi.
Arishi küm 40 tain police ka, yaküm lendong ka ajurua pa indang tapubangret sükdang, ta Dr. Gwalozu Thong-i ashi.
Mezüngbuba operation nung teret sükdangba tekolakji yanglutsü merang saka tamakok angu, iba jagi tan operation atema Delhi nungi ‘prosthesis’ ka bener arua enoktsü, ta paisa ashi.
Iba operation nung surgeon temji Dr.Rokoleibi Khate, Dr.Gwalozu Thong, Dr. Kehousetuo Koutsu aser Dr. Neilakuo Kire nunger liasü aser anaesthetist ji Dr. Tiakala Walling liasü.