MFN agienra, Pak kanga maksütsü: Lalit Mansingh

New Delhi, September 28 (Agencies): Bodhbarnü taoba mapang Former foreign secretary, Lalit Mansingh-i, India-i Pakistan dang nungi Most Favored Nation (MFN) jenjang agienra, ibajibo Islamabad atema maksü tuluka asütsü, ta ashi.

Singh-i ashiba agi, “Iba ya yimtenren inyakyim ajanga India-i Pakistan kodamesüi kümdaktsütsü merangba ka lir. Ibaji ajanga India-Pakistan shishilembaba nung kecha balaka masütsü, kechiyong shishilembabaji kanga limited, saka MFN jenjang alir linük ishika rongnungi Pakistan ji India-i agienra, ibaji Pakistan atema maksü tuluka asütsü,” ta Singh-i osangbenertem dang ashi.

Brihostibarnü Ato kilonser, Narendra Modi-i anir tongtibang ketdangsertem senden ka amentsü, aser iba senden nung Pakistan nem ‘Most Favoured Nation’ maongka agüja aliba reprangshia telemtetba kar agitsüa akok.