MGNREGA kübok Social Audit agi

Dimapur, July 24 (TYO) : July 21, 2016 nü R.D Block, Dhansiripar Dimapur kübok Khekiho yimtsüng nung MGNREGA maparen indang hopta piyong Social Audit sentong tembang.
Iba sentong ya Society for Training & Research on Rural Development-i ketdangsüa inyak aser Social Audit tatembangba anogo nung Social Audit Director, Zacheve Thele, Dr. Kedise, S.D.O Civil Dhansiripar & D.P.O-DRDA Dimapur, Khekiho Village Job Card Holders, Village Members, VCC, VDB Board aser B.D.O, Er.A. Atu Imsong-i Block ketdangsertem aden.
July 15 nungi July 21, 2016 tashi Social auditors- District Resource Person 5 aser Sovima nungi Village Resource Person 8-i kilen shia sema senzü aser iba mapang parnoki kulitem bendena liasü.
Tesüiba küm yimtsüng nung scheme balala inyakba indang osangtem aser kulikakettem benden. Social Audit tatembangba anogo nung parnoki bushitetba osang metetdaktsü aser ibaji Khekiho yimertemi agizüka ayu.
Sentong nung Village Council Chairman-i bangdak department aser Sovima VRPS dang pelaba metetdaktsü.