MGNREGA tim mesüi amshiba anema NPCC-i longkak aittsü ayonger

Dimapur, May 18 (TY0): MGNREGA tim mesüi amshiba, junga ketang masüba aser junga mangateti amshiba anema May 20, 2016 nü district 11 prongla nung Congress Party-i DC office telungtet nung mener longkak aittsü, ta NPCC Media cell-i sangdong ka ajanga metetdaktsü.

Mener longkak aitdang NPCC office ketdangpurtem, district balala nung PCC züngsemtem aser temulungertem densema DCC Office ketdangpurtemi jembitsü, iba sülen February 2, 2016 nü DCCs-i DC tem nem MGNREGA junga benoktsü atema takhangba agütsüba dak sentakba nung Nagaland Angh nem temepishiba shidi ka agütsütsü aser ibaji DC tem dang mapa küma inyakang ta takhangba agütsütsü.

NPCC-isa MGNREGA junga benoka inyaktsü atema Nagaland Angh nem temepsihsiba shidi ka agütsütsü.

Senso ajak iba sentong nung dena tan aliba sorkar dang sensotem nem MGNREGA tajangzük agütsütsü atema longkak aita shilem agitsü jaoker, ta NPCC Media cell-isa sangdong nung shia lir.