Mhonbeni Ezung-i National Bravery Award agizüker

Lotha tsür, arishi küm 8 tain Mhonbeni Ezung-i India Ato Kilonser, Narendra Modi ket nungi National Bravery Award 2015 agizükba noksa nung angur. 

New Delhi, December 17 (Agencies): Tasütait shilem nung National Bravery Award 2015 agizüka, arishi küm 8 tain Mhonbeni Ezung-i otsü tasen yangluogo.
Nagaland Home Guard Department nung inyaker, N Longtsubemo’er jala, Mhonbeni-i tetsü taküm kümzükba sülen India Ato Kilonser, Narendra Modi-i la nem National Bravery Award 2015-ji tan December ita 14 nü agütsü.
Tetsü, arishi küm 78 tain Renthunglo Jungi alanga Wokha district kübok Chudi yimtsüng anasa ayong kati aiba sülen Mhonbeni-i arem min ajangadanga kilometer 5 shi asema lar Chudi yimtsüng tonga ao aser lar yimer jatena tetsü takümji kümzüka liasü.
Tasutaitla, Mhonbeni-i medal ka, kulikaket aser senpet agizükba den külemi, la kaketshisatsü bushitsüren metembang tashi lai senotsü teyari angutsü.