Mi ajanga ki 50 dak tema rongtok

Itanagar, August, 31 (Agencies): Bodhbar anepdang Arunachal kübok Daporijo jila New Market tesem nung koba mi adoka liasü, iba lendong ajanga ki aser dokan 50 dak tema rongtoktsüogo aser kibong 87 tejenokdak ki makai kümogo.
Iba lendong agi kongshir aliba nüburtem tang DUDA market complex building khen atema relief camp kümdaktsür idakji jenoka lir.
Mi kechi nungi adokar tang tashi mejangja, saka osang ajanga ashiba agi, iba lendong nung sen crore aika alang kiojen aser osetsüt samaaogo.
Iba dak sendakba nung Chief Minister Pema Khandu tang atema teyari agütsütsü asoshi tetuyuba agütsüba den külemi sorkari akokba tashi parnok nem teyari agütsütsü, ta nangzükogo.
Pai maneni iba amala lendong madokdaktsütsü atema nüburtem dang kümdangshia alitsü asoshi mepishi.
Iba lendong nung tekümzükba aser teyari agütsüba maparen balala achaayanga inyakba atema Pema-i district police, ITBP, CRPF, GREF aser market committee tenüng asang.