Miami Open: Azarenka-i Kuznetsova den tetsür final asayatsü

Miami, April 01 (Agencies): Belarus tsür, Victoria Azarenka-i lar semifinal asaya koka tang tasayadak Miami Open tennis asayamong tetsür singles shilem final asayatsü jenjang yashi, Brehostibar nü ajangzükogo.
Tan asayamong nung 13 buba jenjang abenla, Azarenka-i minute 94 nung points 6-2 7-5 ngua Germany tsür, Angelique Kerber madak takok angu.
Azarenka-i Russia tsür, Svetlana Kuznetsova den tan Honibar nü final asayatsü.
Tan asayamong nung 15 buba jenjang abener, arishi küm 26 tain Kuznetsova-ia points 7-5 6-3 ngua Switzerland tsür, Timea Bacsinszky mezüngbuba semifinal asaya nung tsükdakja liasü.
Ano külen, Japan nunger Kei Nishikori-a par quarterfinal asaya koka tebur singles semifinal asayatsü jenjang yashi ajangzüka liasü.
Tebur World No. 5, Nishikori-i ghonda 2 ser minute 32 nung points 4-6, 6-4, 7-6 (3) ngua France nunger Gael Monfils tsükdaktsü.
Arishi küm 26 tain Nishikori-i Australia nunger Nick Kyrgios den semifinal nung ajuruteptsü.
Kyrgios-ia points 6-4, 7-6 (7-4) agi Canada nunger Milos Raonic madak takok ngua semifinal-i aiba osang jangjaogo.