Miami Open: Djokovic 4 buba round-i iogo

Miami, March 28 (Agencies): Defending champion, Serbia nunger Novak Djokovic-i Portugal nunger Joao Sousa madak takok ngua tang tasayadak ATP & WTA Miami Open asayamong tebur singles 4 buba round asayatsü jenjang yashi, Deobar nü ajangzükogo.
Tebur World No. 1, Djokovic-i yashi minute 78 nung points 6-4, 6-1 ngua World No. 38, Sousa ayong ayonga tsükdaktsü.
Arishi küm 28 tain Djokovic-i Austria nunger Dominic Thiem den 4 buba round nung ajuruteptsü.
Tan asayamong nung 14 buba jenjang abensang, Thiem-ia minute 64 nung points 6-2, 6-2 ngua Japan nunger Yoshihito Nishioka 3 buba round nung tsükdaktsü.
Australian Open champion, Angelique Kerber aser taoba hopta  Indian Wells takok marok agizükla, Victoria Azarenka natia tetsür singles 4 buba round-i aiba osang jangjaogo.
Germany tsür, Kerber-i points 1-6, 6-2, 3-0 ngua asayadang Netherlands tsür, Kiki Bertens temang mejungi küma asaya tembanga masayatetsüsa akümba yong Kerber-i par 3 buba round asaya akoktsü maongka ngua Hungary tsür, Timea Babos den 4 buba round asayatsü jenjang angu.
Belarus tsür, Azarenka-ia points 6-3, 6-0 agi Poland tsür, Magda Linette tsükdaktsüba sülen Spain tsür, Garbine Muguruza den 4 buba round asayatsü jenjang nguogo.