Miami qualifiers nung Yuki-i akok, Ramkumar tsükogo

Miami, Metsüremi 20 (Agencies): ATP Miami Masters tennis asayamung tebür kija qualifying round asaya nung India nunger Yuki Bhambri-i Argentina nunger Renzo Olivo madak takok ngua final round tongtetta lir saka külem India nunger Ramkumar Ramanathan iba asayamung nungi tsükogo.
Taoba Indian Wells asayamung nung qualify süa asayar aser World No. 12 nung alisang France nunger Lucas Puille madak takok angusang, Yuki-i iba sen USD 7,972,535 jenjang asayamung mezüngbuba round ‘hard court’ nung Olivo madak 6-4, 6-1 agi takok angu
Yuki-i tanabuba asaya nung Sweden nunger Elias Ymer den asayatsü. Elias indang coach ya French Open asayamung nung final anaben tashi asayatetsang, Robin Soderling lir.
Kasa Miami Open asayamung mezungbuba round tebur kija asaya ka nung India nunger Ramkumar-i America nunger Michael Mmoh den 6-7(4) 4-6 agi tamakok ngua tsükogo.
Maneni iba asayamung mezüngbuba round Tentonü (Monday) tetsür kija asaya nung Canada tsür, Eugine Bouchard-i America tsür Allie Kiick madak 6-2 6-2 agi takok nguogo.
Taoba mapang Wimbledon final asayala, Bouchard ta 2014 kümk World No. 5 tashi tongtetba sülenbo top 100 nunga mali, aser lai Kiick tsükdaktsüba asaya nung aces tenet tashi ngutet.
2010 Miami Open asayamung quarter-final tongteta World No. 12 jenjang ngutetla, Belgium tsür Yanina Wickmayer-i asaya ka nung Australia tsür, Olivia Rogowska madak 6-4 6-7(3) 6-4 agi takok ngutetogo. Iba asaya ghonda 2 ser tesadangka nung tembang.
Taoba WTA World No. 9 nung alila, Germany tsür Andrea Petkovic-i külem linük nungi asayar Sabine Lisicki madak 4-6, 6-3, 3-1 agi takok ngua tanabuba round tongtetogo. Iba asaya nung Sabine ya temang nung timtem kar ajurua asaya tatem tashi masayatettsüsa aküm.
Taoba mapang French Open nung runner-up aser 2013 küm World No.13 tongtetla, Italy tsür Sara Errani ya Czech Republic tsür, Tereza Martincova-i mezüngbuba round nung 6-4, 5-7, 7-6(2) agi tsükdaktsü.