Michael Buble-i 2017 Brit Awards ketdangsütsü

October 07, 2016: Canada nung asor kentener, Michael Buble-i taruba Brit Awards ketdang asütsü, aser iba osang ya pai sangdonga liasü.
Buble-i tamalen Brits ketdangser Ant & Dec melena 2017 awards nungi ketdangsütsü.
Pa Canada nung soaka 2005 küm nungi pa Italy senso ka lir.
“Ni UK meyong lir. Parnoki kü jenjang yanglutsü,” ta arishi küm 41 Buble-i BBC News dang sangdong ka ajanga ashi.
Paisa, “Brits ama ketdangsütsü atema asüngdangba ya yimli tulu, iba ya maongka tulu…. atangji maongka tulu,” ta ashi.
“Ni UK nung meintetaka ni Brit Awards aser iba ajanga alima kongshiba indang ni meteta lir. Kenten sapur ka ama iba ya tetemsü kenten sentong ka lir. Ni February ita yongyaa küm piyong kenten takok otsü atema benjungtsü yongaa atar,” ta paisa ashi.
Alima tesem ajaklen Buble sapur aika lir, anungji iba award ketdangsütsü atema pa shimba ajanga alima ajaklen nungi pa sapurtemi iba sentong tali nüngtuguba kümdaktsütsü.
Brits Chairman, Jason Iley-ia, “Iba ya Brit Awards atema takok tuluka lir aser 2017 atema ketdangserji Michael asütsü ta onoki nüma tanga sangdonger. Pa dak sempet tajung lir aser British nungeri pa kanga sapur,” ta ashi.
Brits awards küm 40 otsü nung tang agi tasembuba British senso masüba nisungi iba sentong ketdangsütsü.
2017 Brit Awards atema nominations Honibar aonung ITV nung sangdongtsü, aser iba sentong ya February ita London, O2 Arena nung akatsüa akok.