Michael Jackson asüba anogomung nung pa bilemtet

Los Angeles, June 26 (Agencies): ‘King of Pop’ nüngtugu kentener, Michael Jackson arishi küm 50 alidang June 25, 2009 nü asü, aser pa asüba sülen küm tenet ajungba anogomung nung par kinüngertemi pa bilemteta mungogo.
Michael Jackson asüba anogomung nung par jala Paris Jackson-i Instagram post ka nung black & white collage noksa ka nung tebu tena külemi tangokba noksa ka lemsatep.
Iba noksa tsünglanglen arishi küm 18 Paris Jackson-i, “Küm 7 jungogo, alima nung kü tembar tajungtiba, tesünep nung anisüngzükang. Ajak dang nungi ni na temeimtiba,” ta zülua lir.
Michael densema aliba telok, Jackson 5 nungi Jackson’er adianutem- Jermaine, Tito, Jackie aser Marlon nungeria pa nüngtem nung San Diego County Fair, Del Mar, California nung kenetena shilem agiogo, ta ET online osang ajanga metetdaktsü.
Jacksons teloki ‘One More Chance’ ken den Michael Jackson ken ‘Wanna Be Startin’ Somethin’ densema ken aika aten.