Michael Jackson-i yangluba noksatem ayoktsü

Joseph McBratneyJanuary 19, 2016: King of Pop ta jaloktsür alisang, asür Michael Jackson-i yangluba noksa 100 shi nisung kati bendena lir aser pai ashiba agi pai item noksatem yoker timtema aliba tanurtem yaritsü.
“Thriller” ken ajanga nüngtugu akümsang, asür Michael Jackson-i yangluba noksa 100 dak tema Joseph McBratney-i nisung shinga danga meshii bendena lir, aser lendong tesem nung aliba tanurtem yaritsü asoshi item noksaji ayoktsü, ta femalefirst.co.uk ajanga metetdaktsü.
Ibaji dang masü saka pai ano Beatles, Princess Diana, Abraham Lincoln, Charlie Chaplin, Bart Simpson, Peter Pan, Mickey Mouse, Snoopy aser Garfield nungeri yangluba noksa-a kar ayoktsü sentong lir.
“Item noksatem ya kanga saaka benden aser item ya yoker tanurtem yaritsübaji mapa tulu lir,” ta pai New York Post osangkaket nung shia lir.
“Teyari monguteter nüburtem yaritsü asoshi item noksa ya taneptsür amai asütsü,” ta pai ashi.
Item noksa ajak nung Michael Jackson-i sign süa lir aser iba noksa ajakji autograph authentication service ka ajanga shitak asü masüar tendangogo, ta paisa ashi.

You must be logged in to post a comment Login