Mick Jagger arishi küm 72 nung maneni tanur 8buba imladar

July 15, 2016: ‘Rolling Stones’ nungi nüngtugu kentener, arishi küm 72, Mick Jagger tanur 8buba asotsü atadar.
Mick Jagger tedong arishi küm 29, Melanie Hamrick ita 3 mashisa lir, ta osang jajaogo. Mick aser American ballerina tsüngsanger, Melanie Hamrick na 2014 küm nungi medema arur.
The Sun den jembidang Hamrick’er medemer kati, “Iba ya osang tajung. Ibaji Mick atema tanur 8buba asütsü. Pai kanga nungitdar. Laji tesangra, shisataka aser la taküm nung la taginübaji lai meteta lir,” ta ashi.
“Mick-i par chirtem ajak den tesentaktep tajung ayubaji lai meteta lir aser ano maneni pa tebu ka akümtsüji matateter,” ta kasa osang ajanga ashi.
Jagger nunger telok züngsem, Ronnie Wood arishi küm 68 nung jakrep tebu akumba sülen ita ana tsüngda iba osang tasen angashir.