Micromax Canvas 1 aser Panasonic P55 Max sayaogo

July 17, 2017 (Agencies): Micromax company-i ‘Canvas series’ nung phone tasen ka bendenloka “Canvas 1” sen 6,999 yong sayaogo. Iba 4G-VoLTE smartphone nung ya tesülen camera 8MP aser selfie camera 5MP den 2.5D HD IN-CELL display keta lir.
Iba phone tasenba nung OTG support keta lir koba ajanga serial communications, keyboards/mice, game controllers den connect süteter aser camera nungi noksatem melamela import süteter. Micromax Canvas 1 nung MediaTek MT6737, quad-core 1.3GHz processor aser 2GB RAM aser 16 GB ROM keta lir koba SD card ka amshia 32 GB tashi atsülangteter.
Iba phone ya anogo 100 tsüngda hardware nung timtem adokra melentettsü (Küm ka warranty agütsüba nung shilem ka) koba tanga smartphone kecha nunga tang tashi nung iba offer agüja mali, ta company sangdong ka ajanga metetdaktsü. Iba phone ya retail store tem nung alitsü asoshi angutsü.
Maneni Panasonic India Pvt. Ltd-i tanü Panasonic P55 Max smartphone sayaogo. Iba phone tasemba ya metal design nung angutsü aser 5.5-inch HD IPS display ka keta lir. Iba smartphone nung 1.25 GHz Quad-core processor keta lir aser OS ji Android 7.0 Nougat alitsü. Panasonic P55 Max indang RAM ji 3GB aser internal memory 16GB lir. Camera tsütsü reprangdangra Quad LED flash dena tesülen camera 13-megapixel aser tejaklen camera 5-megapixel keta aliba angutsü.
Panasonic P55 Max tanga features tem rongnung GPS aser Dual-SIM connectivity, 3G/4G LTE, Bluetooth 4.0 aser Wi-Fi 802.11 support dena lir. Iba den bendenloka tang feature kaji ‘ZigPlay’ lir. Iba phone nung battery tashiji 5,000 mAh lir.
Panasonic P55 Max ya Matte Black aser Gold sentsü nung Flipkart nung sen 8,499 yong angutsü.