Micromax-i Canvas Tab P681 sayaogo

September 20 (Agencies) : Micromax-i sen 7,499 alang Canvas Tab P681, screen inch 8 ka sayaogo. Iba tablet ya Flipkart ajanga alitettsü.
Canvas Tab P681 nung DTS dual audio speakers lir aser Android 6.0 Marshmallow OS ajanga amshir. Micromax Canvas Tab P681 nung ya 8-inch WXGA IPS display (800×1280 pixels) keta lir aser phone tesülen flash dena 5MP aser tejaklen 2MP camera tem inokja lir.
Micromax Informatics nung Chief Marketing Officer, Shubhajit Sen-i, “Tanü asüng lanurtemi tensa ajak nung video tangoktsü aser reprangtsü kanga saputepba angateta onok Micromax nung inyakertemi tamshirtem nem internet aser entertaintenment peria agütsütsü tangatetba nung iba tablet ya yanglu. Onoki nüburtem nüngdakba reprangteta kanga junga shisadanger tangar dang nungi tama süa iba tablet yangluogo. Anungji iba tablet tasenba, Canvas Tab P681, ajanga onoki yangluba tablet amshirtem nem tajangshiba tajung agütsütsü onoki imlar,” ta ashi.
Micromax Canvas Tab P681 nung 1.3 GHz MediaTek processor, 1GB RAM aser 16GB memory keta lir aser memory ji 16GB tashi ulushia amshitettsü. Tablet nung SIM card ana amshitettsü aser nüngdakba tashi ajak 4,000 mAh battery ajanga agütsür. Canvas Tab P681 nung 3G, Bluetooth v4.0, Wi-Fi aser Micro USB amshitettsü.
Micromax-i tawa 4G amshitetba Canvas Tab P701 tablet ka sen 7,250 yong sayaogo. Iba tablet nung 7-inch IPS display (1024 X 600 pixels) keta lir aser SIM-a ana amshiteter. Tablet nungsa 3G aser 4G SIM card tem amshitetter. Micromax Canvas Tab P701 ji Android 5.1 Lollipop ajanga amshir aser tesülen 5MP aser tejaklen 2MP camera tem inokja lir.