Micromax-i Selfie 2 & Selfie 3 smartphone sayaogo

New Delhi, August 18 (Agencies) : India nung smartphone yangluba company Micromax-i Canvas Selfie 2 aser Canvas Selfie 3 ta ser selfie-range smartphone ana sayaogo.
Canvas Selfie 2 indang jenjangji Rs 5,999 ta metetdaktsüogo aser Canvas Selfie 3 indang jenjangbo ano memetetdaktsüi lir.
Canvas Selfie 2 nung 5 MP front aser rear camera enoka lir aser 5-inch FWVGA IPS display keta lir. Iba smartphone nung Android Lollipop 5.0 amshir aser August 22, 2015 nungi ayoktsü.
Canvas Selfie 3 nung 8MP front camera aser rear camera lir aser 4.8-inch HD AMOLED display keta lir.
Ano, Canvas Selfie 2 nung 2,000mAh battery aser Canvas Selfie 3 nung 2,300mAh battery lir aser smartphone anaprong ya sentsü balala nung angutsü. Selfie 3 nungbo bluetooth enabled selfie stick dena angutsü.