Micromax-i sen 6,499 alang Canvas 5 Lite sayaogo

New Delhi, September 23 (Agencies) : Hokolbarnü Micromax Informatics-i Canvas 5 smartphone dang tajungba aser sen 6,499 alang Canvas 5 Lite smartphone sayaogo.
Canvas 5 Lite nung 5-inch HD IPS display keta lir aser ibaji ajanga screen nung reprangba ajak kanga jangja jangja ngudaktsür.
“Canvas 5 Lite sayaba ya onoki laleta ayuba nükjidong ka tongteter asütsü aser iba ya ajanga sen dalang agi oset tajung ayokertem den tokteptettsü,” ta Micromax Informatics nung Chief Marketing Officer Shubhajit Sen-i sangdong ka ajanga metetdaktsü.
Canvas 5 Lite nung superfast 4G LTE inyakyim aser 2GB DDR3 RAM keta lir. Iba smartphone yagi tamshirtem nem parnoki nüngdakba tools light amai kara agütsütettsü.
Iba smartphone tasenba ya September 23, 2016 nü nungi Snapdeal ajanga alitettsü.