Micromax puri Refrigerators, Washing Machines yanglutsü

Metsüremi 12, 2018 (Agencies): Micromax Informatics Ltd. puri India nung refrigerator aser washing machine segment nung shilem agitsüba sangdongogo. Iba segment dak rangloker Micromax puri refrigerators model 8, Washing Machine model 16, air conditioners model 10 aser air coolers model 8 sayatsü. Iba shishilembaba dak ajemdaker company puri 2020 tashi nungbo revenue crore 2000 aazüktsü nükjidong lir aser 2019 Metsüremi tashi nungbo Consumer Electronics segment nung shilem 30 bo agitsü asoshi nükjidong lir.
Item product tem sayaba sülen company indang product portfolio atsülangshitsü. Refrigerator aser Washing Machine category nung Micromax puri mezüngbuba küm nung market share shilem 3, tanabuba küm nung shilem 5 aser küm tasembuba nung shilem 7 agitsü asoshi nükjidong lir. Company puri 2018 Metsüremi tashi nungbo Semi-automatic washing machine aser Direct Cool Refrigerator tem sayatsüba sentong lir.
Item osettem sayatsüba dak sendakba nung Micromax Informatics Ltd. Co-founder, Rajesh Agarwal-i ashiba agi, “Product tasen sayaba aser tang aliba product tem atsülangshia onok consumer electronics brand tem rongnung temaba jenjangi atutsü asoshi meranga inyakdar aser 2018 ya onok asoshi tetenzükba küm ka asütsü.”
Company sangdong ka ajanga ashiba agi, parnoki küm ka ana tsüngda nung sen crore 300 shi indokogo aser taruba küm ana tsüngda ano sen crore 200 shi indoktsü asoshi sentong lir. Micromax puri service centres aser special customer service application ka amenokogo aser iba ajanga product tasentem ayokba sülen aachayangtsü.