Micromax teloki Canvas Pulse 4G smartphone sayaogo

New Delhi, December 17 (Agencies): Micromax teloki 4G mesenlokba smartphone tasen ka, Canvas Pulse 4G India nung sayaogo.

Taoba hopta Canvas Mega (E353) aser Canvas Mega 4G (Q417) na densema phone tasen ana tashi sayaba sülen par teloki tan sen 9,999 yong ayoktsü renemba Pulse phone ya sayar.

Android 5.1 Lollipop agi mapa inyakdaktsüba aser 5-inch HD (720×1280 pixels) display aketba phone nung SIM card 2 tashi amshitettsü.

Iba phone nung 1.3GHz octa-core MediaTek (MT6753) processor den külemi, RAM 3GB inoksema lir.

Kasa phone indang inbuilt storage 16GB lir saka microSD card amshia storage-ji 32GB küma tuluba kümdaktsütettsü.

Phone tesülen LED flash densemba 13-megapixel autofocus camera aser tejaklen 5 megapixel camera mesenloka lir.

2100mAH tashi aketba battery mesenlokba phone nung 3G, GPRS/ EDGE, Wi-Fi 802.11 b/g/n, Micro-USB aser Bluetooth amshitettsü.

“Tan tesüsa sayaba phone ya mapang ajak nung tongteprateptsü jangrartem atema yangluba phone tajung ka lir,” ta Vineet Taneja, CEO, Micromax Informatics Ltd-i metetdaktsü.