Micromax YU Televentures-i smartphone ‘YUTOPIA’ sayaogo

New Delhi December 17 (Agencies): India nung electronics oset yanglur Micromax YU Televentures-i sen 24,999 alang smart phone ‘YUTOPIA’ Brihostibarnü sayaogo. Iba phone ya tanü asüng tensa den peta yanglu. Phone tesülen 21 MP camera keta lir aser 3000mAh battery ajanga tashi agütsür.

Iba phone ya alima nung aliba smartphone ajak dang tashi tuluba ta züngshir. Yu Yutopia nung 5.2″ sharp WQHD IPS display, Qualcomm Snapdragon 810 processor, 4GB DDR4 RAM aser fingerprint scanner keta lir, ta company sangdong ka ajanga metetdaktsü.

“YUTOPIA ya tanga phone dang nungi balaka kechiba süra danga phone tem dang nungi iba phone ya küm pongu agi jilia tejaklen lir,” ta YU Televentures ngutetsang, Rahul Sharmai ashi.

Iba phone nung ‘Around Yu’ inyakyim keta lir aser ibaji ajanga aienlen jajatsü, chiyungtsü aser pelatepba sentongtem melamela meteter.

“Around YU” enokja aliba ajanga tamshirtemi apps aika amshitsü tenüngdaktsü madoker koba ajanga mapang jenti kümzüker.

YUTOPIA nung ‘fingerprint scanner’ aliba ajang tamshirtemi mapang second tesadang ka dang nungi tajemba shi nung pei enoka aliba fingerprint pongu rongnung mashi ka amshia phone lapokteter.

Phone amishidang pei aginüba amshiyim kara kara yanglua ayutsü atema ‘alert slider’ enokja lir.

YU-i iba phone nung “Assured Upgrade Programm” enokja lir aser ibaji ajanga tamshirtemi tarutsü nung iba phone YUTOPIA 2 küma ajugkettettsü.

YUTOPIA alitsü asoshi jilia mekatsü atema Brihostibar nikongdang 2:00 nungi Amazon nung lapoktsüogo aser December 26 nü nungi meka-a alirtem nem phone yok tenzüktsü.