Microsoft-i Groove Music service shibangtsü

San Francisco, October 04 (Agencies): Groove Music service sayar küm ana dang lir külen, Microsoft-i tang ibaji shibangtsü sentong yangluogo aser parnok music atema ‘Spotify’ sabang den longjemba metetdaktsüogo.
Company-i customer tem dang parnoki Groove nung save süa aser download süa aliba ajak aser playlist yanglu alibatem ajunga Spotify-i transfer asütsü metetdaktsüogo, ta Mongolbarnü Forbes osang ajanga metetdaktsü.
Iba sangdong nung Groove Music app ya Windows store ajanga 2017 küm tatem tashi amshitettsü aser download-a sütettsü aser iba sülen nungi mapa meinyaktsü. Iba mapang tatsüka ya tamshirtem Spotify dangi meyiptsü asoshi lapoktsürba lir.
Groove nung aliba music tem Spotify dangi melenoktsü asoshi teyari nüngdakertem asoshi company-i tetuyuba peria agüja lir aser fans kar atemabo Spotify ita ana angati amshitsü asoshi maongka agüja lir.
Spotify ya ken library tulutiba rongnung ka lir, yagi download store atakteta mali aser premium account amshirtemi offline nung angatsü asoshi khen save süa yutettsü, ta osang ajanga ashi.