Microsoft-i tan ita mapa 700 agientsü akok

January 21, 2017 (Agencies) : Microsoft-i company nung mapa inyakertem 2,850 shi 2017 küm June ita tashi nung mapa nungi anendaktsütsü ta ashiba den sendaktepba, tan itasen agütsüba mapang mapa 700 agientsü akok, ta osangbenertemi ashi.
Osang ajanga ashiba agi, mapa 2,850 agientsüba rongnung teimba ka agiener alitsü akok.
“Tang mapa agientsüba aliba ya lokti ka nungi dang masü saka alima ajunga nung company office nung mapa shilem lemsar aliba balala nungi agientsü,” ta osang ajangasa shisem.
Company mapa shilem balala nung mapa jenjang tali temabai ajungkettsü nükjidong nung iba sentong yanglu, ta ashi.
Microsoft nung mapa inyaker ajak agi nisung 113,000 shi lir, aser maneni ano mapa 1,600 lapoka lir. Iba osang LinkedIn nung inokja lir.
India nunger CEO Satya Nadella kübok Microsoft-i yaküm mapa 7,400 shi agien. Mapatemji smartphone shishilembaba nungi liasü, ta osang ajangasa ashi.
2014 küm mapa 18,000 agienbaji Microsoft otsü nung tang tashi nung mapa timtiba agienba liasü. Item rongnung Nokia handset aser services nungi mapa 12,500 dena liasü.