Microsoft-i Visual Studio 2017 sayaogo

San Fransisco‚ August 18 (Agencies): Microsoft-i parnok meyong Visual Studio 2017 atema developer tema asoshi ‘Application programming interfaces (APIs) ‘ASP.NET Core 2.0’ aser ‘.NET Core 2.0’ tasenba sayaogo.
ASP.NET ya nisung ajak asoshi lapoktsüba server-side indang web application framework ka lir aser iba ya dynamic websites, web applications aser web services team yanglutsü atema purapitetba lir.
.NET Core ya angati agütsüba, waitep sabang ka lir.
Item ya ajanga Visual Studio 2017 amshirtemi low-vision mesüra no-vision mode amshia computer program code nung timtem mesüra tai alibatem, Call Stack, locals, Autos aser Watch Windows amala, computer amshirtemi monguisa aliba tang nungibo puteta melenshitettsü.
“Iba den repa tang nungi shir Visual Studio 2017 nung temelenshi tasen 1,700 yanglushir inokja lir aser ibaji ajanga tamshirtem nem item ‘development tools’ mela amshitsü maongka agütsütsü,” ta Hokolbarnü Microsoft-i parnok sangdong ka ajanga metetdaktsü. Visual Studio nungi .NET Core 2.0 applications atema aliba ‘tools’ sika Mac aser Code Navigation asoshi Visual Studio, Visual Studio Code aser Visual Studio küma melenshia amshitettsüsa tajungba Kumar yanglushiogo.
Software tetsüdi, Microsoft-i ashiba agi, ASP.NET Core apps tem Windows Nano images arena amshitettsüsa yanglushiogo anungji tang nungibo tamshirtemi Nano sabang shima teinyaktsütem inyaktettsü.